Davao City – Subling nagpahimangno karon ang Department of Energy (DOE) may kalabutan sa pag patronisa sa mga refillable tin canisters diin kini posibleng mobuto ilabi na sa buot nga lugar.
Human kini gipakusgan ang kampanya pinaagi sa gipagulang Executive Order No. 25 ni Davao City Mayor Sara Duterte-Carpio bahin sa pagdili og pagpalit sa mga tin cannisters.
Sumala ni Nilo Geroche, senior chief science research specialist sa DOE, anaa na sila karon sa disposal stage pinaagi sa decanting machines.
Base sa ilang record, aduna nay 15-mil ang ilang nakumpiskang canisters sugod kaniadto pang Marso diin kaniadtong Lunes lamang nila na operasyon narekober ang kapin 2-mil ka mga canisters.
Matud pa gikan kini sa mga lugar sa Bucana, Agdao, Panacan, Bankerohan, Panabo, Tagum ug uban pa.
Gani gibaharan ni Geroche ang mga malapason nga mapenalisar sa P10, 000 ug muatubang og administrative case samtang gi-awhag ang katawhan nga ireport kanila kun sa Business Permit Licensing Office (BPLO), Philippine National Police (PNP) ug Criminal Investigation and Detection Group (CIDG) ang mga establisementong nalambigit sa illegal LPG refilling, hauling ug nagabaligya og tin canisters nga gi-refill og LPG.
Segun ni Geroche, dili kinahanglan ikompromisar ang kinabuhi sa barato nga butang.
RadyoMaN Jason Amisola
