Ginalauman nga bag-o magtakop ang tuig 2018, matapos kag mangin operational na ang dog pound facility sang South Cotabato nga ibutang naman sa bahin sang Barangay Centrala sang Surallah.
Suno kay OIC Provincial Veterinarian Dra. Flora Bigot nga aprubado na ang P 1.8 million nga pondo sang provincial government para sa ipatukod nga pasilidad kag ginahulat na lamang nga matapos ang plano para dire.
Ang operational expenses ang pagasabton naman sang LGU Surallah sa diin sa dogpound facility ibutang ang mga madakpan nga mga stray dogs.
Sa tion nga indi ang mga ini magawad sang tag -iya makaligad ang 3 ka adlaw, ang mga ido ang ipadalom sa mercy killing ukon euthanasia.
Ginkumpirmar man ni Dra. Bigot nga may-yara man sang area nga lubngan sa mga ido nga ipaidalom sa mercy killing kag may chemical lang nga ibutang agud nga mapadasig ang decomposition.
