Gipahimangnoan karon sa Department of Health Region 10 ang publiko kalabot sa hustong pamaagi aron mabatukan ang posibleng pagkaylap sa sakit nga 2019 Novel Coronavirus kon nCoV.
Sa interview sa RMN ngadto kang Dr. Ian Gonzales, sa Regional Epidemiology, Surveillance and Disaster Response Unit ug Cluster Head sa Infectious Diseases sa DOH 10 gibutyag niini nga kung unsa ang prevention alang sa trangkaso mao ra gihapon kini ang buhaton aron malikayan ang nCoV.
Tambag niini nga kinahanglang kanunay’ng manghugas ug kamot ilabina kung naay sakit ug mas maayong kanunay nga magdala ug sanitizer o kaha alcohol.
Ikaduha, kung adunay ubo o sip-on, mugamit ug panyo o tissue kung mu-ubo ug mo-hatsing ug likayang mu-ubo gamit ang kamot isip pang-tabon o sampong.
Ikatulo, kung adunay sakit, kinahanglang magpacheck-up dayon sa hospital.
Matud ni Dr. Gonzales nga dili kinahanglan nga mugamit sa N59 nga masks.
Kung gusto nga mag-masks ilabina kung adunay sakit, mamahimong gamiton kadtong plain, medical o surgical masks.
Giklaro usab niya nga kung walay sakit, walay indikasyon nga kinahanglan gayod mag-mask ang usa ka tawo.
