Sa interview sa RMN ngadto kang Dr. David Mendoza, ang chief sa DOH-10 Local Health Support Division, gibutyag niini nga na-contain ra usab kini tungod sa taas nga vaccination rate mao nga minus ang pagkaylap.
Una na nga gipamahayag sa DOH nga wala pay community transmission sa karon.
Gipasabot usab ni Dr. Mendoza nga normal lang gayud sa usa ka virus nga mag-mutate ug mag-usab sa porma. Apan base sa pinaka-ulahi nga variant mas paspas ang pagtakod.
Gi-istudyuhan pa usab karon sa mga eksperto kung unsa ka seryoso ang mao nga sub-variant sa Omicorn variant sa COVID-19. Hinoon, ubos usab ang hospitalization rate sa mao nga virus.
Dungan niini, nanawagan ang DOH 10 sa publiko nga magpabakuna niadtong wala pa nakadawat ug bakuna kontra COVID-19 ug kung mabakunahan na angayang tiwason hangtod sa booster shot aron makabaton sa igong proteksyon.
