DOH-12 gi-awhag ang mga Local Vaccination Operations Center nga mag-activate dungan sa laing hugna sa Regional Vaccination Day

General Santos City–Gina-awhag sa Department of Health kon DOH-12 ang tanan nga Local Vaccination Operations Center nga mag-activate dungan sa laing Regional Vaccination Day nga himuon sa Pebrero 7 hangtod sa petsa 9.

Sa pamahayag ni Dr. Edvir Jane Montañer, Immunization Coordinator sa DOH 12 lakip sa ilahang ginarekomenda nga tanan nga government ug private owned hospital ang maghimu og vaccination site nga mu-cater sa tanan nga eligible age group gikan 12-anyos pataas.

Sumala pa niini nga kinahanglang pakusgan ang pagbakuna sa mga lugar nga nakapailalom sa alert level 1 ug 2.

Gina-awhag man usab sa DOH 12 ang matag LGU nga magbutang ug mas daghan nga mga vaccination post sa mga barangay o dili ba kaha magdeploy og mas daghan nga vaccination team aron nga mas daghan ang mabakunahan.

Dugang ni Dr. Montañer nga tumong niini aron mapatuman ang ang ginatawag nga barangayan strategy sa pagpabakuna.
For more info’s and updates, like and share our official facebook account: www.facebook.com/ifm91.9Gensanofficial/____ #TatakRMN
#IFMAngIdolKongFM
#RMNnetworks
#ReachingMillionsNationwide
#RMNFoundation [image: 1111111111111111111111111.jpg]