Ginaawhag sang pamunuan sang Department of Health 12 ang mga pumuluyo sa rehiyon nga magkooperar sa ginapatuman nga contact tracing, subong man sa tion nga ipaidalom sa isolation kag pagsunod sa minimum health standard agud mapunggan ang paglapta sang mga nagkalain-lain nga variant sang COVID- 19.
Suno kay Regional Health Education and Promotion Officer Arjohn Gangoso suportahan man ang ginapatigayon nga vaccination campaign sang ahensya agud nga malikawan ang seryoso nga kumplikasyon tuga sang COVID-19.
Ini matapos suno kay Gangoso nga base sa ila datos padayon ang pagsaka sang kaso sang COVID-19 sa rehiyon nga wala naganubo sa isa ka gatos ang marekord nga bag-o nga kaso kada adlaw.
Ginkumpirmar niya man nga ang pinakabata nga naigo sang COVID-19 sa rehiyon ang 1 day old kag yara naman sa 102 ang pinakatigulang.
