Padayon nga ipatuman ang 4s batok balatian nga dengue kag indi lang magtutok lang sa subong sa isyu sang dengvaxia, ini ang advice sa mga pumuluyo sa rehiyon ni Dr. Francisco Mateo, Assistant Regional Director sang Department of Health ukon DOH Region 12.
Ini matapos nga madamo sa gihapon ang kaso sang nasambit nga balatian dire sa rehiyon sang nagligad nga tuig.
Suno kay Dr. Mateo kinahanglan nga gub-on gid ang breeding place sang lamok nga carrier sang balatian nga dengue kag kon mahimo i-activate ang Aksyon Barangay Kontra Dengue.
Dugang pa niya ini tungod bisan diin nga parte sang komunidad bisan pa sa eskwelahan sarang makuha ang nasambit nga balatian kon mahigko ang palibot ukon may-yara sang breeding place sang lamok nga nagadala sang dengue.
