General Santos City—Mismo na ang Department of Health (DOH) Region 12 ang nangunay sa pagmonitor sa mga firecracker incident sugod kagahapong adlawa Disyembre 21 hangtod na sa Enero 5, 2018 kung aduna bay mga matalang mga mabiktima sa firecrackers.
Matud pa kang Jenny Ventura, coordinator sa DOH-12 nga sa kasamtangan padayon ang ilahang kampaniya sama sa Iwas Paputok program sa DOH Nationwide aron malikayan na ang mabiktima sa mga pabuto sa pagsaulog sa kapaskuhan og pagsugat sa bag-ong tuig.
Giklaru usba sa DOH 12 nga hangtod karon wala pa silay nadawat nga mga nabuthan sa mga iligal nga pabuto.
Samtang dinhi sa General Santos mismong ang mga opisyal og mga personahe sa City Health Gensan ang nanguna na sa mga paglibut sa tanang mga ospital aron makuha ang mga datus sa tanang mga mamahimong pasyente unya.
Matud pa ni Dra. Mely Lastimoso nga wala magkulang ang ilahang buhatan sa pagpahimangno sa publiko labi na sa mga kabataan nga likayan ang paggamit og mga iligal nga pabuto ingon man sa mga hamtong aron dikini mamahimong madugang sa ihap sa mga mabiktima unya sa pabuto sa General Santos City. (Emir Bariquit
