*General Santos City— Gikumpirma sa Department Of Health 12 nga nagsugod na sila sa pagpadla ug specimen sa mga Patient Under Investigation kon PUI sa SPMC sa Davao human nga gitugutan sa DOH Central Office.*
*Sumala kang Arjohn Ganggoso, tigpamaba sa DOH 12 nga ubay-ubay nga mga specimen ang ilahang napadala sa SPMC Davao gikan sa tanang pui sa tibuok rehiyon.*
*Saysay iya nga gilauman sa DOH 12 nga mas dali nilang makuha ang resulta sa mga PUI kung sa Davao kini himuon gumikan gawas sa mas duol, dili na ingon ka daghan ang ipa-ilalom sa laboratory test sama sa ginahimo kaniadto sa RITM sa kauluhan.*
*Gipaklaro ma usab ni Ganggoso nga sa rehiyon 12, wala gyu’y COVID-19 facility ug walay available nga testing kits rason nga kaniadto sa RITM sa kauluhan ginapadala ang tanan nga specimen ug kinahang;ang maghulat ug tulo ngadto na usa ka semana ayha madawat ang resulta.*
*Sa karon, ang ginahimo sa DOH mao ang Polymerase Chain Reaction Test nga maoy ginahimo karon sa SPMC Davao. Pag-angkon niini, nga usa gyud sa mga hagit sa DOH mao ang kulang nga pasilidad.*
*Dakong tabang matud pa ang pagtugot sa DOH Central Office nga gamiton ang SPMC Davao para sa tibuok isla sa mindanao alang sa pagsuta sa mga specimen gikan sa mga PUI.*
