Ginpaandaman sang Department of Health ang mga botika nga nagasukot gihapon sang 12% Value Added Tax (VAT) sa mga bulong sa diabetes, high-cholesterol kag hypertension .
Suno kay Secretary Francisco Duque III sang DOH, magapangatubang sang nagakaigo nga kaso ang mga botika nga wala nagahatag sang discount sa mga pasyente nga may kaangay nga kondisyon.
“Ang panawagan natin sundin natin ang batas para sa ganoon hindi tayo magkaroon ng problema. Otherwise baka kayo makasuhan,” pahayag ni Health Secretary Francisco Duque III.
Gin-athag naman ni Finance Assistant Secretary Tony Lambino nga indi lang limitado sa mga senior citizens kag persons with disability (PWD) ang nasambit nga discount kundi sakop man sini ang tanan nga pasyente nga nagakinahanglan sang nasambit nga mga bulong.
Nagpahanumdom naman ang Department of Finance sa mga pasyente nga magdala sang otorisado nga reseta para maka-avail sang discount.
Nahibaluan nga isa sa mga probisyon sa idalom sang Tax Reform for Acceleration and Inclusion o TRAIN Law nga mahatagan ang mga pumuluyo sang access sa healthcare kag mas barato nga bulong.
(photo from web)
