Nagpahinumdom karon ang DOH ngadto sa katawhan may kalabutan sa dengue nga magbinantayon sa kanunayng ug batasanon ang pagpanglimpyo sa inyong mga lawak o palibot aron maabog ang mga lamok nga nanimuyo.
Kahinumduman niadtong tuig 2016 adunay tulo nga natala sa kaso sa dengue dinhi sa atong probinsya, samtang niadtong miaging tuig walo usab ang kaso sa dengue za tibuok Zamboanga del norte.
Kini karon ang kanunayng pahinumdom sa DOH-IX uban sa taga Provincial health office nga dili magpasagad ug limpyohan gayud ang mga posibleng puy-an sa mga lamok.
Giawhag sa DOH nga buhaton ug sundon ang 4s kontra dengue, una mao ang search and destroy breeding places ngamao ang pagpangita sa mga lugar nga pwdeng itlogan sa mga lamok sama sa balde, tansan, ligid, plorera ug uban pang butanganan nga pwdeng mabutangan sa limpyo nga tubig.
Ikaduha mao ang Seek early consultation, kini ang dinalian nga pagpa konsulta sa doctor kung adunay gibati. Likayan usab ang pag inom sa tamabal nga walay resita gikan sa doctor.
Ikatulo mao ang Self-Protection measures o ang pag protekta sa kaugalingon aron dili mapaakan sa lamok pinaagi sa pagsuot sa mga tag-as nga sanina. Pagpahid sa insect repellent sa panit nga walay tabon, ug pag gamit sa mosquito net kung matulog.
Ika upat mao ang Say yes to fogging in times of impending outbreak o ang pag paaso pero buhaton lamang kini kung mokalit ug gawas o mo daghan ang mga lamok.
