Maga pulis del Ayala Police Station ta continua elembuscada con el tres maga persona quien ya sopla de tiro con un negociante quien ya muri unseguidas na Recodo del Lunes denoche.
El maga suspechao amo canda Algalil Alama (el quien ya tira) y su dos compaƱero canda Otto Nur Ladjahasan y el untal Hamja.
El victima amo si Alsadar Jalilul Jikiri, 29, de Libak, Purok 6, Recodo. Ele ya muri despues ya sostene cuatro irida de bala na cabesa.
Na report del pulis ta aparese si Jikiri junto consu esposa encamino para bolbo muntao na diila motorsiclo pasada alas 7 del noche cuando si Alama, quien el primer esposa del esposa di Jikiri, junto con canda Ladjahasan y Hamja ya ataja canila y ya tene estos purpiajan.
Amediante del diila discucion, derepente si Alama ya arangca caliber 45 pistola y ya sopla de tiro con Jikiri na cabesa.
Canda Alama yaescapa despues del incidente.
Si Jikiri ta usa pa bullet vest cuando ya tira conele.
Maga pulis ya recobri 4capsula y un punta del calibre 45 pistola na lugar delcrimen.
El pulis ta mira tiene que hace na triangulo de amor el motibo del incidente.
