ILOILO – Padayun ang pagpahanumdom sang Department of Health (DOH) sa publiko nga maghalong sa paghanda sang pagkaon agud malikawan ang food poisoning.
Ini apisar nga sa data sang ahensya nagnubo ang kaso sang food poisoning subong nga tuig kun ipaanggid sa amo man nga period sang 2016.
Suno kay Dr. Elvie Villalobos, DOH Infectious Disease Cluster Head, nakarecord ang Western Visayas sang 790 victims nga may apat ka patay sa kabug-usan nga 44 ka 44 food poisoning incidents sadtong 2016.
Dugang pa ni villalobos nga bisan naganubo ang kaso apang padayun ang ila adbokasiya para sa ihibalo sang publiko.
Panugyan ni Villalobos dapat may proper hand washing antes maghanda sang pagkaon, isarado ang sulodlan sang pagkaon, lutuon ang pagkaon tubton sa 70 degress centigrade, ipabilin ang safe temperature sang pagkaon, indi pagsimpunon ang hilaw sa naluto na nga pagkaon kag maggamit lamang sang matinlo nga tubig.
Ginkumpermar ni Villalobos nga ang nagatuga sang food poisoning sa masami mga microorganisms kaangay sang bacteria nga gikan sa higko sang tawo ukon sapat. ///// Photo from web
