23 lamang ang naitala ngayong araw ng Department of Health (DOH) na bagong gumaling sa bansa sa COVID-19.
1,690 naman ang bagong kaso at ang bagong binawian ng buhay ay 52.
Umaabot na ngayon ang total COVID-19 cases sa bansa sa 538,995.
Bumaba naman ang aktibong kaso sa 27,992 o 5.2%.
Ang total recoveries naman ngayon ay 499,772 o 92.7% at ang total deaths ay 11,231 o 2.08%.
Samantala, 22 na mga Pinoy sa abroad ang bagong na-infect ng virus habang 25 naman ang bagong gumaling.
Wala namang naitala ang Department of Foreign Affairs na panibagong Pinoy na binawian ng buhay dahil sa COVID-19.
Ang total COVID-19 cases na sa hanay ng overseas Filipinos ay 14,491 habang ang total recoveries ay 9,140.
Ang aktibong kaso naman ay 4,397 at ang total deaths ay nananatili sa 954.
