DOH, pinayuhan ang publiko na magpakonsulta sa doktor bago magpabakuna ng COVID vaccine

455

Pinayuhan ng Department of Health (DOH) ang publiko na magpakonsulta muna sa doktor para malaman ang kanilang medical history bago sila maturukan ng COVID-19 vaccine.

Ang COVID-19 vaccines lalo na ang gawa ng Pfizer-BioNTech ay mayroong adverse effects sa mga taong mayroong allergic reactions.


Ayon kay Health Undersecretary Maria Rosario Vergeire, kailangang humingi ng assessment o certification mula sa kanilang doktor na maari silang maturukan ng bakuna.

Hindi rin dapat pinagsasabay ang pagturok ng COVID-19 vaccines at iba pang bakuna para sa sakit.

Sinabi ni Philippine Foundation for Vaccination Chief Dr. Lulu Bravo, dapat mayroong apat na linggong pagitan.

Hinimok din niya ang publiko na i-monitor ang kanilang pangangatawan kung mayroon silang pre-existing condition o wala.




Facebook Comments