Ginkumpirmar sang Department of Health nga target nila nga isunod sa pagpabakuna kontra tipdas ang masobra 2.6 million nga mga adults ukon mga hamtong na sa pungsod.
Suno kay Health Secretary Francisco Duque III indi lamang mga bata ang dapat i-prayoridad sa vaccination program sang gobyerno kundi bisan ang mga tigulang.
Suno sa iya nga nagahina na ang ikasarang sang ila lawas sa pagbatu sa nagkalain-lain nga sahi sang balatian ilabi na nga nagaedad na sila nga nangin kabangdanan agud madali sila tapikan sang mga virus.
Samtang ginpahayag man ni Duque nga target pa nila sa karaon nga mabakunahan ang kapin sa 2.4 million nga mga kabataan nga anum tubtub 59 ka bulan; pito ka milyon nga mga grade school ukon kindergarten tubtub grade 6 kag 2.6 million naman nga mga tigulang ukon mga adults.
(pctto)
