DOH-XI: 86 suspected tipdas cases sa Davao region

155

Davao City – Nakatala og 86 ka mga gisuspetsahang kaso sa tipdas ang Department of Health (DOH) sa bulan sa Enero 1 hangtod Pebrero 10 sa kasamtangang tuig dinhi sa Davao region.

Sumala ni Annabelle Yumang, Regional director sa DOH-XI, base kini sa Regional Epidemiology Surveilance Unit’s (RESU) data diin nikunhod kini sa 75% kun itandi sa milabay’ng tuig sa susamang petsa nga nakatala og 347 ka mga kaso sa tipdas.


Segun ni Yumang nga posible pa kining musaka sanglit aduna pay mga bata nga wala nabakunahan sa milabay’ng tuig ilabi na kung na expose kini sa komunidad nga apektado na sa tipdas.

Dinhi sa Davao region, duha na ang kumpirmadong napatay tungod sa komplikasyon sa tipdas partikularmente sa Tibunco, Davao City ug Pantukan, Compostela Valley Province.

Samtang giingon niini nga ang syudad sa Davao ang adunay pinakataas nga kaso sa tipdas nga adunay 53 nga kaso, gisundan kini sa Davao del Sur nga adunay 20, 7 sa Davao del Norte, 6 sa Compostela Valley, ug padayon pang ginasuta sa Davao Occidental.

“Nag deploy na tayo ng team sa (Davao) Occidental to make sure na walang outbreak dun,” saysay niini.

Subay niini, gi-awhag ni Davao City Mayor Sara Duterte Carpio ang mga ginikanan nga pabakunahan ang ilang mga anak nga wala pa mabakunahan panahon nga moduaw ang mga personahe sa DOH alang sa libreng vaccination.

RadyoMaN Jason Amisola

Facebook Comments

From Advertisers