Davao City – Padayon karon ang gihimong pagtuon sa Department of Health (DOH) Region – XI sa himoong electronic kun digital contact tracing.
Sa One Davao on COVID-19 Virtual Presser gibutyag ni DOH-Davao Assistant Regional Director Dr. Lenny Joy Rivera, padayon kining ginatun-an kung mamahimo kining gamiton sa ubang probinsya alang sa pag-improbar sa pagpalapad o pagpadali sa contact tracing sa mga posibleng nahimamat sa usa ka magpositibo sa Coronavirus Disease 2019 (COVID-19).
Matud ni Rivera, usa ka maayong inisyatibo sa ubang Local Government Units (LGUs) ang paggamit sa digital system sa contact tracing.
“Isa yan (digital system) sa mga tinitingnan namin na good practices ng region natin. We are actually getting the data kasi mas maganda po yung napag-aaralan po talaga yung system ng maayos before pa namin i-endorse po siya for other provinces to use,” esplikar ni Rivera.
Nasayran nga nagbaton na ang probinsya sa Davao del Norte sa gitawag nga Quick Response (QR) code alang sa contact tracing, samtang karong bulana usab (Septembre) target sa City Government of Davao ang pag-digitalize sa contact tracing dinhi sa dakbayan sa Davao.
RadyoMaN Kirby Manzon
