Davao City – Ang expanded testing o pagpalapad sa COVID-19 testing ngadto sa mga closed contacts ug adunay mga exposure sa COVID-19 patients ang nakitang hinungdan sa daghang nakuha nga mga kaso sa Davao Region partikular na sa dakbayan sa Davao, matud sa Department of Health Region XI.
Sa datos sa DOH XI, kapin 8,000 na ang active cases sa Davao Region.
Sumala ni Dra. Rachel Joy Pasion, Head, Regional Surveillance Epidemiology Unit DOH – Davao Center for Health Development, kaniadto 300 lang ang ma-cater nga ma-test sa COVID-19 kung itandi karon nga anaa sa 3,000-4,000 ka mga specimen ang mamahimo ng ma-test, niini daghang nakuha nga mga COVID-19 cases.
Segun ni Pasion, sa dakbayan sa Davao gi-expand ang surveillance ug testing ngadto sa F1, F2 ug F3 contacts sa COVID-19 positive.
Gibutyag niini tungod usab sa pagkumpyansa ug pag-relax sa mga tawo sa nagpadayong roll out sa COVID-19 vaccines karon bisan ang pipila naka-first dose pa lang.
“Vaccination is just one way to protect ourselves, but it does not hinder us from being COVID-19 positive, hindi lang siya nagpapa-severe sa atin,” sumala niini.
Hugot kining nanawagan sa publiko nga tumanon ang Minimum Public Health Standards (MPHS) sama sa pagobserba sa physical distance, proper ug frequent handwashing ug pagsuot sa face mask ug face shields.
RadyoMaN Aimee Guinita
