Pagadian City – Milingkod na ang bag-ong hepe sa Pagadian City Police Station nga si -PLTCOL Ycer Noah Aniversario nga maoy hulip kang PLCol. Parson Asadil nga gipapha sa pwesto.
Si Aniversaio kanhing Admin Officer sa Zamboanga del Sur Police Provincial Office ug nahimo nga kanhing hepe sa tulo ka Municipal Police Station sa probinsya sa Zamboanga del Sur.
Aminado ang bag-ong lingkod nga hepe nga taas ang kaso sa kriminalidad sa syudad ug maoy target niya nga masulbad uban ang kooperasyon sa publiko.
Gipaniguro usab niya nga matuman ang Intensified Cleanliness Policy nga maoy gimando ug gipanghingusgan karon sa kinabuk-ang han-ay sa Philippine National Police (PNP).
Mahinumduman nga gipulihan Aniversario ang kanhing hepe nga si Asadil dihang napakyas pagtambong virtual meeting nga gihimo sa Police Regional Office 9.
