Sumala ni Dra. Gerna Manatad, Department of Health XI Assistant Regional Director, nagpadayon ang ginahimong surveillance sa mga Local Epidemiology and Surveillance Unit.
Matud ni Manatad, nakigkoordinar ang DOH XI sa mga Local Government Units aron paspas ang prevention batok sa maong klase sa viral infectious disease.
Sumala sa opisyal, hanas ug preparado ang mga doktor ug nurses sa pag-detect ug pag-manage sa HFMD.
Gitataw niini nga dili kini fatal o severe apan adunay type sa virus nga dili angay kakumpyansaan partikular na kung ang ig-on na niini ang utok na sa bata busa kung adunay mga manifestations ug sintomas ikonsulta gilayon kini sa doktor.
Hugot nagpahimangno si Manatad sa publiko sa importansya sa kalimpyo, paghunaw og kamot ug pagdisinfect sa palibot ilabina sa paglikay sa mga infected nga mga pasyente.
Sumala sa World Health Organization (WHO) walay specific treatment sa maong sakit ug ang mga pasyente maulian lang sa ilahang mga kaugalingon sulod sa 7-14 ka adlaw.
RadyoMaN Aimee Guinita
