Davao City – Naobserbahan karon sa Department of Health (DOH)-XI nga nagkataas ang kaso sa Coronavirus Disease 2021 (COVID-19) sa pipila ka probinsya sa rehiyon.
Atol sa One Davao on COVID-19 Virtual Presser, gibutyag ni Dra. Annabelle Yumang, DOH-XI Regional Director nga adunay pagtaas sa kaso sa probinsya sa Davao del Norte ug Davao de Oro.
Sa March 24, 2021, adunay dugang 40 ka COVID-19 cases ang natala sa Davao de Oro, samtang 11 ang natala sa Davao del Norte.
“So duna ‘ta diri sa Davao de Oro ug ang Davao del Norte. Nakita nato nga kini silang duha ang nagsakahay (sa kaso). Sa adlaw-adlaw nato nga pagsubay, naay pagsaka sa aning duha nato ka probinsya, ang Davao del Norte and Davao de Oro,” saysay ni Yumang.
Hinuon, matud ni Yumang, adunay usa’y adlaw nga naga-ubos ang kaso sa maong mga probinsya. Gani, sa kinatibuk-an, nakita nga adunay pag-ubos sa kaso sa COVID-19 sa Davao Region.
Apan matud sa DOH official, dili kinahanglang mokumpyansa tungod kay nagkataas gihapon ang kaso sa nasud labi na sa National Capital Region (NCR). Kinahanglan usab nga mas pakusgan ang pagpahigayon og community surveillance aron nga mapugngan ug makontrola ang kaso sa COVID-19.
RadyoMaN Kirby Manzon
