DOJ gimanduan ni Pangulong Duterte nga subling imbistigahan ang pag-abswelto sa gialigarang mga drug lords

Gimanduan na ni Pangulong Rodrigo Duterte si Justice Secretary Vitaliano Aguirre nga kinahanglan ang full review sa kaso sa mga suspected drug lord human nga giabswelto sa DOJ. Sa gihimong forum sa Kapihan sa Manila Bay, gibutyag ni PCCO Secretary Martin Andanar, nga wala nalipay ang Pangulo sa nahimong desisyon sa DOJ mao nga gimanduan si Aguirre nga subling tun-an ang maong kontrobersyal nga kaso. Pagpasabot ni Andanar nga dili pabor ang Pangulo sa desisyon samtang dismayado sab ang Pangulo sa nahimong desisyon sa DOJ sa pag-abswelto sa mga giakusahang drug lords.