Doktor nadakpan nga naga-gamit shabu sa isa ka hotel sa Bacolod

123

*BACOLOD CITY* – Nadakpan ang isa ka doktor nga naga-gamit sang suspected shabu sa isa ka hotel sa dalan San Juan-Luzuriaga syudad sang Bacolod pasado 11:30 kahapon sang udto.

Ang suspek ang ginkilala kay Andrew Corrimpido, 39 anyus, isa ka dermatologist kag residente sang syudad sang Cebu.

Suno sa hepe sang Police Station 1 – Senior Inspector Eugene Tolentino, ang amo nga doktor ang tatlo na ka adlaw nga yara sa sulod sang iya kwarto, gani nagpangayo na sang police assistance ang management sang hotel.

Sang ginsulod na sang mga katapo sang Station 1 ang hotel room sang doktor, didto ila naaktuhan nga nagagamit ini sang Shabu.

Narecover sang otoridad ang isa ka sachet sang ginapatihan illegal nga droga kag mga drug paraphernalia.

Paathag ni Tolentino nga ila anay gintawgan ang pamilya sang suspek antis nila puersa nga gin-buksan ang ila gin-rentahan nga kwarto. */dyHB BACOLOD*

Facebook Comments