Davao City- Kasong may kalapasan sa RA 9165 ubos sa sec. 5, 11, 12 ug 15 ug RA 10591 kun illegal possession of explosives ang gipasang-at nga mga kaso batok sa high value targets nga sila Stephen Tay, usa ka doktor ug kauban niini nga OIC sa Department of Environment and Natural Resources (DENR) Region V nga si Benjamin Medel.
Ang duha sikop atol sa buybust operation sa Philippine Drug Enforcement Agency- Davao Region alas 5:30pm kagahapong adlawa sa Marigold St., San Pedro Village, Buhangin, Davao City.
Positibo sa shabu ang duha ka mga suspek atol sa gihimong drug test kanila.
Nakuha sa posisyon sa mga suspek ang shabu nga nagkantidad og P108,000, ecstasy, cocaine ug usa ka granada.
Segun ni PDEA-XI OIC Naravy Duquiatan nga apil si Tay sa kwarenta ka mga High Value Targets (HVTs) sa PDEA nga nadakpan na dinhi sa Davao Region.
Gikatakdang ibalhin sa Davao City Jail ang duha ka mga suspek human nga maproseso ang ilang mga kaso didto sa City Prosecutors Office.
RadyoMan Aimee Guinita
