Dol-an 2 mil ka mga mag-uuma og humay, midawat og tabang pinansyal sa siyudad sa Malaybalay

Midawat og tabang pinansyal nga tag 5 mil ka pesos ang dol-an dos mil ka mga mag-uuma og humay diri sa siyudad sa Malaybalay.

Kini pinaagi sa Department of Agriculture (DA) ilawom sa programang Rice Competitiveness Enhancement Fund Program diin nakalatid sa RA 11598 o ang “Cash Assistance for Filipino Farmers Act” nga hatagan og ayuda ang mga mag-uuma sa humay nga naay duha ka ektarya o ubos pa ang basakan niini.

Ang pinansyal nga tabang gihatag ngadto sa mga kuwalipikadong mag-uuma sa humay diri sa syudad sa Malaybalay isip bayad sa gipaabot nga pagkunhod o pagkawala sa kita sa umahan gikan sa taripa tungod sa mga restriksyon sa importasyon.

Kinatibuk-ang kantidad nga Php 9,240,000.00 alang sa 1,848 ka mag-uuma nga nakadawat og cash card nga adunay sulod nga Php 5,000.00 matag mag-uuma, ubos sa suporta sa lokal nga pangagamhanan sa Malaybalay pinaagi sa City Agriculture Office (CAgO) ug Landbank of the Philippines.