Ginapaalerto sang pamunuan sang Department of Labor and Employment ukon DOLE 12 ang mga pumuluyo partikular na ang mga empleyado batok sa mga nagapangtunto paagi sa pagpangayo sang load ukon anuman sa tanan nga CAMP applicants/beneficiaries.
Ini matapos suno kay DOLE 12 Information Officer Christopher Gamboa nga isa ka worker ang ginpadal-an sang mensahe nga indi naman aplikante sang CAMP nga ginpangayuan sang load, amo nga nagreport ini sa DOLE 12 kag naklaruhan naman nga indi halin sa ahensya ang mensahe nga nabaton.
Ginkumpirmar man ni Gamboa nga natapos na sang Disyembre 11 ang pagbaton sang DOLE sang aplikasyon sa CAMP kag sa subong ginaproseso na lamang ang aplikante nga aprubado.
May-angot sini, ginaadvisan sang pamunuan sang DOLE 12 ang mga CAMP aplicants ukon benepisyaro nga kon followers ukon likers sang Send All DOLE Dep FB group ang magbiya na agud nga indi matunto sang admin sini.
