Ginapaandaman sang pamunuan sang Department of Labor and Employment ukon DOLE 12 ang mga residente sang rehiyon partikular na sa mga beneficiaries sang livelihood program sini angot sa grupo nga nagapangolekta sang membership fee para sa nasambit nga programa kag indi affiliated ang ahensya sa Mission for Rural Reform and Development Towards National Economic and Cultural Cooperation (MRRD NECC).
Nadiskubrihan ang nasambit nga modus matapos nga may nagpanghatag sang forms sa mga barangay sang General Santos City nga may MRRD NECC ang letterhead kag may Philippine Eagle kag Philippine flag logo.
Nagapangolekta suno pa ang nasambit nga grupo sang P250.00 per member bilang membership fee sa mga beneficiaries.
Base sa pagpangusisa sang DOLE ang buot silingon sang MRRD NECC amo ang Mayor Rodrigo Roa Duterte National Executive Committee kag indi Mission for Rural Reform and Development Towards National Economic and Cultural Cooperation.
Ang Membership Registration Form ang may-yara naman sang nakalakip nga Member’s Profile nga may logo kag letterhead sang Department of Labor and Employment DILP “Livelihood Program”.
Paklaro ni DOLE Regional Director 12 Sisinio Cano nga libre ukon wala bayad ang form nga ginapanghatag kag wala sang registration fee amo nga scam ang nagagamit sang logo sang ahensya.
Dugang pa ni Director Cano nga wala sang partner ukon grupo nga gintap ang ahensya para sa ila nga livelihood program.
May-angot sini, ginaawhag ni RD Cano ang mga pumuluyo nga kon may kapareho nga modus nga maencounter ang gilayon nga ireport sa ila talatapan tungod scam suno pa ini.
