Pormal nga ginturn-over sang Department of Labor and Employment 12 (DOLE) 12 ang P15 million nga para sa Tulong Pangkabuhayan sa Ating Displaced/Disadvantaged (TUPAD) sa city government sang Cotabato City.
Ang nasambit nga emergency employment assistance ang makabenepisyo sang 3,000 vulnerable workers nga apektado sang COVID-19 pandemic.
Si Assistant Regional Director Arlene Bisnon ang nagturn-over sang nasambit nga tseke kay City AdministratorDr. Danda Juanday upod na si DOLE-Cotabato City Field Office (DOLE-CCFO) Officer-In-Charge Lalaine Arboleda.
Samtang ang kwalipikado nga mga benepisyaryo ang magatrabado sang kinse ka adlaw kag makabaton sang P4,875.00 cash aid.
Ang nasambit nga emergency employment program ang kaupod dire ang City Government sang Cotabato bilang Accredited Co-Partner sang ahensya sa implementasyon sang TUPAD program.
Ginpasalamatan naman ni City Administrator Juanday nga ginhatagan sang prayoridad DOLE ngabuligan ang mga empleyado sa syudad nga apektado sang pandemya nga makabulig man sa mga ini subong nga holiday season.
Ginpasalamatan naman ni ARD Bisnon ang Cotabato City government sa pila ka dekada nga pagsuporta sa mga DOLE programs and services nga nakabulig sa residente sang syudad para malab-ot ang full-employment kag livelihood opportunities.
May-angot sini, ginalauman ni ARD Bisnon nga ipadayon sang lokal nga panggobyerno ang mga labor and employment program sa idalom sang Bangsamoro Autonomous Region in Muslim Mindanao (BARMM)
Ini matapos nga base sa DOLE Administrative Order No. 333-A ukon ang Creation sang Technical Working Group on the Normalization Process for the Bangsamoro, ginturn-over sang DOLE 12 ang DOLE-CCFO kag attached agencies sini sa Ministry of Labor and Employment-BARMM sang Disyembre 11 subong nga tuig.
