Nagalab-ot sa P666, 156.00 nga kantidad sang coffee beans production post-harvest facilities ang ginturN-over sang Department of Labor and Employement ukon DOLE 12 sa Tupi-Bato Farmers Association kag Sitio Tupi-Bato, Barangay Midtungok sa banwa sang Senator Ninoy Aquino (SNA), Sultan Kudarat.
Ginpangunahan mismo ni DOLE 12 Regional Director Raymundo Agravante kag DOLE-Sultan Kudarat Field Office (SKFO)Head Mary Jane Hoksuan upod sanday LTC Romel Valencia sang 7th IB, PA kag SNA Mayor Randy Ecija, Jr. ang turn-over.
Ang Tupi-Bato Farmers Association ang may 36 ka mga miyembro ngag lunsay mga Indigenous Peoples.
Paagi suno pa sa ginturn-over nga pasilidad sang DOLE 12 ma-improve sang benepisyaryo ang ila nga coffee production and marketing gamit ang brand new set sang coffee huller machine, coffee pulper machine, 2500 kilogram platform weighing scale, 10 ka all-weather plastic dryer kag 100 liters crude gas.
Samtang ang entrepreneurial project ang ginaupdan sang 7th Infantry (TAPAT) Battalion, 6ID, Philippine Army, Provincial Government sang Sultan Kudarat, PTF-ELCAC, kag Local Government Unit sang SNA.
Kadungan sang nasambit nga aktibidad ginturn-over man sang DOLE 12 ang kabuhayan check nga nagakantidad sang P1,547,070.00 sa LGU-SNA para sa 85 ka mga informal sector workers nga ginalakipan sang self-employed, women, youth, PWDs, senior citizens, IPs, rebel returnees kag mga ginikanan sang child laborers.
May-angot sini, nagpasalamat naman si DOLE 12 Regional Director Raymundo Agravante sa 7th IB sa pagmadinalag-on sang convergence program sang programa nga kabahin sang End Local Communist Armed-Conflict (ELCAC) ukon EO No. 70 sang Duterte Administration.
