Nakatutok sa subong sa profiling ang pamunuan sang Department of Labor and Employment ukon DOLE 12 sa mga apektado nga mga empleyado sang magkasunod nga insidente sang linog sa rehiyon partikular na ang mga displaced workers.
Suno kay Dole 12 Regional Director Sisinio Cano ini tungod madugangan naman ang nawad-an sang trababo tungod sa duha pa ka magakasunod nga mabaskog nga linog nga kabangdanan sang paghugno sang pipila ka establishemento nga isa dire ang Eva`s Hotel sa Kidapawan City.
May-angot sini, ginsiguro naman sang pamunuan sang DOLE ang ayuda sa mga displaced workers kapareho sang paghatag sang livelihood assistance,emergency employment, unemployment insurance kag iban pa.
Ginkumpirmar ni Rd Cano nga sang nagtay-og ang 6.6 magnitude nga linog sang Oktubre 16 yara sa 400 ang nawad-an sang trabaho sa nasunog nga Gaisano Grand Mall sa General Santos City nga gilayon naman ang mga ini ginhatagan sang ayuda sang ahensya kag city government.
Samtang kon sa safety sang mga establishemento suno kay Director Cano may-yara man sang building officials ang LGU, DPWH kag agaupod sila sa pagsikyar suno pa.
