Ginpaidalom sa orientation sang Department of Labor and Employment (DOLE) ang mga CLPEP focal person’s kag community facilitator’s angot sa implementasyon sang Child Labor Prevention and Elimination Program (CLPEP) and Profiling of Child Laborers.
Katuyuan sang nasambit nga orientation nga hatagan sang ihibalo kag technical capabilities ang CLPEP focal person’s kag community facilitator’s nga yara sa regional kag lima ka field offices sang ahensya.
Ginhatagan punto sa nasambit nga orientation ang R.A. No. 9231, Guidelines on the issuance of Working Child Permit ukon ang Guidelines in Assessing and Determining Hazardous Work in the Employment of Persons Below 18 years old, Strategies of Child Labor Prevention and Elimination Program, and A.O. 579-19 or Revised Guidelines on the Profiling of Child Laborers and Provision of Services to Remove Them from Child Labor.
Samtang gintudluan man ang mga partisipante sa pagpatigayon sang profiling, assessment kag monitoring tools para sa pagmadinalag-on sa implementasyon sang CLPEP sa rehiyon.
Ginpahanumdom naman ni DOLE 12 Regional Director Raymundo Agravante ang mga partisipante sa kaimportansya kag basehan sa pagpatigayon sang CLPEP kag child labor profiling bilang aksyon sa pagtuon sang International Labor Organization sa child labor sa pungsod.
May-angot sini, indi lang ang pag-identify sa child laborers (CLs) sa rehiyon ang obligasyon sang “CLPEP focal persons kag community facilitators’ kundi buligan man ang mga CLs sang ila nga kinahanglanon paagi sa pagrefer sa mga nagkalain-lain nga ahensya sang gobyerno kapareho sang DSWD, DOH, DepEd, TESDA, LGUs kag mga private partners.
Ginsiguro man ni RD Agravante nga ang DOLE ang magapadayon sa pag-asister sa mga ginikanan kag mga naidentify nga mga child laborers paagi sa programa kag serbisyo sang ahensya kapareho livelihood assistance, SPES, Project Angel Tree kag iban nga entrepreneurial opportunities agud nga masolusyunan ang problema sa child labor sa rehiyon.
Nahibaluan nga ang DOLE ang lead agency sa implementasyon sang programa batok Child Labor kag Chair sang National Council Against Child Labor.
