General Santos City–Gikumperma ni Tupi Mayor Reynaldo Tamayo nga luwas ang tulo ka mga Dole Executive nga silang si Dr. Jorge Gonzales, Cecilia Donaire ug Alicia Bengco apil na ang piloto sa Dole Chartered Chopper kansa nahagsa kagahapong adlawa sa may Sitio Glandang, Barangay kablon Tupi, South Cotabato.
Basi sa inisyal nga imbistigasyon, nasuta nga gikan sa meeting sa buhatan sa Dole Stanfilco nga nahimutang sa maong lugar ug padulong unta sa Surallah ang mga nasangpit apan pila ka minutos human ni-take off, nag kaaberya ang chopper maong nahagsa.
Maayo nalang nga walay nangaangol sa mga sakay niini apil na ang piloto nga si capt. Dennis Figueroa apan sila gidala gihapon sa ospital.
Sa karon padayon pa ang gihimong imbistigasyon sa kapulisan sa posibling hinungdan sa maong insidenti.
