Davao City – Gawas sa tabang pinansyal, ipailawum sa Department of Labor and Employment kun DOLE ang mga apektadong empleyado sa nahitabong sunog sa NCCC mall Davao sa ginatawag nga Emergency Employment Program.
Sumala ni Labor Secretary Silvestre Bello III nga pinaagi sa nasangpit nga programa, matabangan ang mga apektadong empleyado diin asa hatagan sila og pagtagad nga mapangitaan og trabaho.
Dugang tabang kini sa mga nawad-an og trabaho sa nahitabong insidente nga mikalas og 38 ka kinabuhi kaniadtong December 23, 2017.
Kahinumduman nga una ng giingon sa DOLE nga gigahinan sa maong buhatan og 30 million pesos nga ayuda ang dul-an tres mil ka mga apektadong empleyado diin sulod sa usa ka bulan hatagan sila matag adlaw og 340 pesos ang aron dunay ikasuporta sa pamilya.
RadyoMaN Renz Barbarona
