Davao City – Gipaneguro karon sa Department of Labor and Employment (DOLE) nga libre ug walay gasto sa bahin sa mga OFW nga gusto nang mouli sa Pilipinas gikan sa nasud Kuwait atol sa total deployment ban implementation.
Sa pakighinabi ni RadyoMaN June Duterte sa tulumanong ‘Straight to the Point’ kang DOLE Sec. Silvestre Bello III, gibutyag niini nga mando kini ni Pres. Rodrigo Duterte nga dili pugson ang tanang OFWs nga mopauli apan sa gusto lamang.
“Magsulti lang sila sa ako para hatagan nako’g instruction ang mga tauhan nato didto nga tabangan sila makauli,” sulti ni Bello alang sa mga OFWs nga close-guarded sa ilang mga amo.
Dugang ni Bello, adunay financial assistance nga ihatag sa mga trabahanteng mi-desidir nga mopauli dinhi sa nasud Pilipinas.
RadyoMaN Jason Amisola
