Gisiguro sa Department of Labor and Employment kon DOLE nga nagpadayon ang ilang pakigbatok sa end of contract kon ENDO.
Sa interview sa RMN Malaybalay ngadto kang Labor Undersecretary Joel Maglunsod gibutyag niini nga padayon ang ilang kampanya batok sa contractualization.
Gipasabot usab niini nga limitado lang ang gahom sa pangulo sa pagsumpo sa endo tungod kay dili ma kini mao ang magmugna sa balaod.
Aron hingpit nga mahuman ang endo mas makaayo matud pa nga tandugon ang legislative body nga maoy tigpanday sa balaod.
Gikalipay usab ni Maglunsod ang house bill number 6908 nga gi-endorso sa DOLE aron hingpit nang usa ka balaod.
Matud niya nga sa maong balaudnon gipa-agi na kini sa konkretong proseso sama sa public hearing, committee hearing hangtod nga nagbotohan na sa plenaryo.
