DOLE South Cotabato nagapatigayon sang profiling sa mga child laborers.

Hugot ang ginapatigayon nga monitoring sang Department of Labor and Employment ukon DOLE sa mga establishemento dire sa probinsya agud nga seguraduhon nga wala sang mga menor de edad nga ginapatrabaho ang mga ini.
May-angot sini, suno kay Engineer Louie Esparagoza, child labor focal person sang Dole South Cotabato nagapatigayon sila sa subong sang profiling sa mga child laborers sa diin sakop man sa ginamonitor nila ang mga kasambahay base sa ginpapanaug nga Executive order no. 142 sang secretary sang ahensya.
Katuyuan sang nasambit nga tikang sang ahensya suno sa iya agud nga buligan ang mga child laborers lakip na ang mga ginikanan sang mga ini.
Ginpahayag man ni Esparagoza nga nagapadayon man ang ila nga labor education agud nga mangin aware ang mga employer pati man ang mga empleyado nga hugot nga ginadumilian ang mga menor de edad nga magtrabaho.