Roxas City, Capiz- Suspendido sa gihapon ang domestic flights sang tanan nga airline companies sa mga lugar nga sakop sang Western Visayas.
Sa ginpagwa nga mandu sang Civil Aeronautics Board napetsahan Mayo 30, 2020, wala gin-aprubahan sang National IATF ang gin-propose sang mga airline companies nga magbalik sang domestic operations sang Hunyo 1 kag ginmandu-an man ang mga ini nga mag-untat anay sa pagbaligya sang tickets para sa amo nga adlaw.
Samtang, gina-ekspektar nga maga-resume ang domestic flights sang Philippine Airlines(PAL) sa maabot nga Hunyo 8(tentative date) matapos ang masobra sa duha ka bulan nga suspension.
Ang Cebu Pacific naman magasugod sang ila domestic flights sa Hunyo 5(tentative date) diri sa Roxas City.
Samtang ang international flights suspendido gihapon tubtob Hunyo 30.
Ginalauman nga ang AirAsia ang magapadayon man sang ila biyahe sa Hunyo 3.
Sang ginpakig-angutan ang Civil Aviation Authority of the Philippines(CAAP), ginsiling sang Information Officer nga si Mr Arjay Villarde nga sa subong padayon ang ila nga simulation exercises para sa new normal operation sa Roxas City Airport sa tion nga magbalik na ang flight.
Ginklaro sini nga tentavie pa ang nasambitan nga mga petsa kag may posibilidad nga magabag-o.
