Don Francisco Dizon Sr. Elem. School andam na sa limited F2F classes

Davao City – Muarangkada karong Marso 21, 2022 ang limited face to face classes sa Don Francisco Dizon Sr. Elementary School human giaprubahan sa Department of Education XI sa gipahigayong local risk assessment ug school safety assessment, tungod kay labing importante ang pagtugot gikan sa mga ginikanan o guardians sa pagsalmot sa ilang mga anak sa in person classes gipailawom sila sa orientation ug gipasabot sa lagdaang waiver.

Sa interbyu sa DXDC RMN Davao kang Mary Jean Leonar, Class Adviser, gisugdan ang orientation sa mga parents niatong March 10, 2022 ug matapos sa Marso 18, 2022.

Sumala ni Leonar, 30% sa mga ginikanan sa 1,156 ka mga estudyante ang nipailawom na sa orientation.

“We are meeting the parents, by schedule lang pod duha or tulo per hour muanhi sila, gina-schedule sa teachers para dili kaayo magtapok. Ginapasabot namo sila unsay mga risks, unsay dapat buhaton, unsay dal-on sa mga bata, unsay mga health protocols,” matud ni Leonar.

Gibutyag ni Merelyn Beniga, class adviser bisan luag na ang alert status sa Davao nagpabiling hugot ug istrikto ang ipatumang health protocols sa mga bata.

“Ang mga bata gibahin namo sa tulo, tulo ka adlaw lang sa usa ka semana sila muanhi sa eskwelahan, pwedi ra 8 ka bata up to 16.”

Mulungtad og duha ka bulan ang limited face to face classes gikan Marso 21 hangtod Hunyo 24, 2022. Giawhag sa mga magtutudlo ang mga ginikanan sa mga estudyante sa Don Francisco Dizon Sr. Elem. School nga musalmot sa limited face to face classes.

Andam usab ang tulunghaan nga motubag sa mga pangutana ug concerns sa mga ginikanan.

RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>