Donation box sang simbahan gin-attempt kawaton, suspek dakop

159

BACOLOD CITY – Wala nakaluwas sa isa ka kawatan ang San Sebastian Cathedral diri sa Bacolod matapos nga gintuyo sang suspek nga kuoton ang donation box sini.

Ang suspek ginkilala kay Gregory Reatasan, 28 anyos ang edad pumuluyo sang Purok Kawayanan, Brgy. Handumanan. Bacolod City.

Suno sa pulis, nagpadulong sa ila estasyon ang complainant nga si Noel Maylas, cameraman sang San Sebastian Cathedral agud ireport ang suspek matapos naaktuhan gid niya ini nga buot kawaton ang unod sang donation box.

Ginpahayag ni Maylas nga pasado las 7 kagab-i sang iya nakita ang suspek nga nagatiid sa tupad sang donation box kag sang hana na nga kuhaon sang suspek ang unod sini, didto na niya ini kag ginsinggitan kag ginpadakup.

Kaso nga attempted theft ang natalana nga ipasaka sa suspek.

Facebook Comments