Davao City – Patay ang usa ka dos anyos nga batang lalake human mabangga-i sa amored van sa DASIA Security Agency sa dihang mitabok sa pedestrian lane sa San Pedro St. ning syudad sa Davao.
Ang biktima mao si Louige Pangantihon, dos anyos kauban ang iyang inahan nga si Angelie Tirol nagpuyo sa Anibungan Davao del Norte.
Gibutyag sa inahan nga kalit kuno kaayo ang panghitabo ug mao na lamang iyang nakita nga napasok na ang iyang anak ilalom sa armored van.
Nakabaton ug seryoso nga injury ang biktimang menor de edad diin nagrabehan ang ulo nga bahin niini.
Ang driver sa armored van mao si Gregorio Antonio Vito Jr. nga gikustudiya na karon sa San Pedro PNP samtang ang patay nga lawas sa biktima anaa sa Angel Funeral Parlor.
RadyoMaN Erin Lumosbog
