Nakuha sa kapulisan sa Libertad, Misamis Oriental ang usa ka long firearm gikan sa kanhi mayor atol sa ilang gihimong Oplan Katok.
Usa ka caliber 0.22, squibman, model 20-A ang giturn-over sa kanhi mayor nga si Nazario Akut nga taga Barangay Gimaylan, Libertad, Misamis Oriental.
Giturn-over ni Akut ang armas human nasayran sa kapulisan nga wala na renew ang lisensya niini.
Gihimo ang Oplan Katok sa pagpanguna ni Libertad Municipal Police Station Acting Chief nga si Police Sr. Insp. Jackson Cabanatan.
Nasayran nga ang Oplan Katok mao ang pagbisita sa kapulisan sa mga residente nga naghupot og mga armas nga walay lisenysa.
PC: Libertad Municipal Police Station, Libertad, Misamis Oriental
Facebook Comments
