General Santos City–Gikumperma ni Elizabeth Villacarlos, inahan sa dos anyos nga batang napaakan ug bitin ug residente sa Barangay Mabuhay Gensan nga stable na ang kahimtang sa iyang anak.
Matud niini nga nagdula-dula na ang iyang anak sa kasamtangan sukwahi matud pa sa unang gabie nga siya napaakan ug bitin. Nasayran nga duha ka vial sa Anti-Venom ang naturok sa mga doctor sa Howard Hubbard Hospital ngadto sa bata.
Dugang pagbutyag ni Elizabeth nga hilabihan gyud ang iyang kalipay nga naluwas gikan sa pelegro ang kinabuhi sa iyang anak. Matud niini nga hilabihan gyud iyang kakulba dihang iyang masayran nga napaakan ug bitin ang iyang dos anyos nga anak.
Sa karon matud pa bugtong ginareklamo nalang sa iyang anak mao ang till niini nga napaakan sa bitin. Kahinumduman nga napatay sa ilang mga silingan ang gikaingong kobra nga maoy nakapaak sa iyang anak niadtong nakalabayng semana.
