Zamboanga City-Amediante conel implementasyon de Martial Law na rehiyon de Mindanao , hinde ta deskansa crea estruendo el Rebelde grupo na Provincia de Basilan , este despues dos ya el muerto mientras dos el ta esta critical el condicion na hospital , despues canila man ambush na Barangay Baas Ciudad de Lamitan enantes pasada alas ocho del aga .
Na report di Kasamang Richard Falcatan del DXNO na Provincia de Basilan que uno el on the spot ya muri mientras el uno desde na tres ya despidi amediante el curada medical na hospital .
Encamino el maga victima pasada alas ciete del aga para na Lamitan desde na Ungkaya Pukan cuando ya llega na Barangay Baas yan ambush canila maga armao persona .
Con maga victima ya identifica como canda Mittoy EStajal , Abdulbassit Daimon , Adjahal Dakis y Abdul Sarabin ambos maga JO del Department of Public Works and Highways o DPWH ARMM.
Nukiere pa confirma el otoridad si el Bandido grupo Abu Sayyaf el responsable na incidente siendo mayorparte el ta ase klase de estruendo el ASG . – Melanie Guanzon
