ZAMBOANGA CITY–Porcausa na tsismis, dos persona ya queda victima de lanciada na Faustino Drive, barrio de Mampang anoche.
El pulis nombra con el maga victima como canda Anthony Garcia Angeles, 29 y Archie Beriano Mariano, 28, ambos soltero y del mencionao lugar.
El suspechao amo si Rey Renegado Luciano, 30, soltero del mismo siempre lugar quien ya rindi na pulis despues del incidente.
Na inbestigacion del pulis ta aparese antes de sosede el incidente, el untal Emie Posadas live-in partner de Luciano ya confronta con Angeles y Mariano porcausa asegun conel tsimis que asegun tiene le relacion pate si Mariano.
Amediante del diila purpiahan, ya llega si Luciano armao de cuchilio y derepente ya lancia con Angeles y Mariano.
Si Luciano adentro ya del carcel mientras el dos maga victima salvao ya na peligro. – Dan Toribio
