Pagadian City – Gikomperma sa Department of Health Region 9 nga dose ka indibidwal ang nataptan sa rabies sa lungsod sa Dumingag, probinsya sa Zamboanga Del Sur .
Sa report nga nahipos sa RMN Pagadian gikarne sa mga nahisgutan ang iro og ila kini nga giluto ug gihabhab kauban ang tag-iya sa maong hayop.
Sa dugang impormasyon nga nahipos ning sibya-an gilapa sa tag-iya ang iro dihang niunay kini og paak sa iyang amo.
Nakabsan matud ang amo sa iro human nilabay ang 15 ka adlaw.
Gumikan niini hugtanong gipahimangnuan ni Nieto Fernandez sa DOH 9 ang katawhan nga dili kan-on o himoong putahe ang karne sa iro.
Giawhag usab ang mga nanag-iya og mga hayopan sama sa iro nga mamahimong responsable.
Facebook Comments
