DOT 12 padayon ang pagpapauli sa mga stranded nga foreign tourist, stranded nga mga local tourist padayon nga ginaaccount.

Nakarekord sang masobra 180 ka mga foreign tourist ang Department of Tourism ukon DOT 12 nga stranded dire sa rehiyon matapos nga naabtan sang lockdown tungod sa paandam sang coronavirus disease ukon COVID-19 kag sa subong padayon ang pag-asister sang ahensya sa mga ini nga makabalik na sa ila tagsa ka mga pungsod..
Suno kay DOT 12 OIC Regional Director Armin Hautea yara na sa masobra 50 ka mga foreign tourists sa rehiyon ang napapauli sang ahensya sa tagsa sini ka mga pungsod nga ginalakipan sang Canadians, Australian, German kag iban pa.
Ginkumpirmar man ni RD Hautea nga may-yara man sang request ang Kuwaiti Embassy nga papaulion ang mga residente nila nga yari dire sa rehiyon nga nagalab-ot suno pa sa 15.
Samtang ang sa mga local tourist nga nastranded dire sa rehiyon ang padayon nila nga gina-account suno kay RD Hautea kag ginaawhag ang mga ini nga magparegister agud nga mabuligan.
Ginpahayag niya man nga ang mga domestic tourist nga taga-rehiyon nga stranded sa subong sa iban nga lugar kapareho sang Cebu, Clark, Manila kag iban pa nga lugar nga magparehistro paagi sa pagfill-up sang form nga makita sa DOT 12 fb page kag Land of the Dreamweavers agud mabuligan man nga makapauli kon pwede na ang mga ini nga makabalik dire sa rehiyon.