Nangayo ug despensa ang Department of Public Works and Highways kon DPWH Region 10 sa mga bumibiyahe ug motorista nga na-apektuhan sa pagkabukog sa dagan sa trapiko kaniadtong Sabado sa gabie hangtod Dominggo sa kadlawon.
Sa interview sa RMN DXMB Malaybalay ngadto Vina Maghinay, ang information officer sa DPWh 10 gibutyag niini nga wala nila laumi ang mao nga panghitabo human gihimo ang blasting acitivity nga kabahin sa pagpalapad sa national highway.
Matud ni Maghinay nga tungod sa pagkahulog sa dakong bato sa national highway hinungdan nga nalangan ang pagbukas niini tungod kay kinahanglan pa kining buakon.
Nasayran nga usa ka oras lang ang gipangayo nga gidugayon sa contractor aron mahuman ang mao nga blasting activity apan nilungtad kini ug halos 12 ka oras.
Sigun ni Maghinay nga nasayod sila nga dili igo ang ilang pagpangayo ug pasaylo apan ila pa gihapon kining himoon.
Nanghinaut usab kini nga unta dili na kini mahitabo sa sunod nga panahon, nasayran nga dili kini ang una nga nahitabo human susamang insidente usab ang natigayon kaniadtong nakalabay nga tuig.
Sa karon padayon pa ang clearing operation sa mao nga dalan. Hinoon ma-agian na ang one lane niini.
