Naghatag sang apat ka dumpt trucks, duha ka road roller kag isa ka lane remover ang Department of public Works and Highways ukon DPWH Region 12 sa nagkalain-lain nga distrito sa Rehiyon. Suno kay Mam Ellen Torino, Information Officer sang DPWH Region 12 sang nagligad pa nga tuig ang nasambit nga programa apang subong lang nga tuig nahatag sa Rehiyon. Dugang pa nya, ginturn over kahapon ang apat ka dump truck sa Lebak kag Isulan sa Sultan Kudarat, Kidapawan sa North Cotabat kag isa sa Sarangani, nga gintambungan naman sang nagkalain-lain nga district engineer sa Rehiyon. Samtang sa Midsayap sa North Cotabato naman ang isa ka road roller kag gamiton naman sang tanan nga district office ang lane marker remover sa nagakinahanglan. Dugang pa ni Torino nagabalor sa P16milyon ang nasambit nga heavy equipment kag ginalauman pa nga mag abot ang walo ka maintenance crew service, apat ka road roller kag duha pa ka dump truck subong nga tuig Madumduman nga una na nga nakabaton sang tuig 2016 ang South Cotabato District Engineering Office sa syudad sang Koronadal kag Syudad ang Heneral Santos sang tig-isa ka unit sang Backhoe/loader kag road roller.
