Nagresume na ang construction sang Department of Public Works and Highways (DPWH) XII sa mga major road projects sini matapos nga nasuspindir tungod sa ginpatuman nga enhanced community quarantine sa SOCCSKSARGEN Region kag Cotabato City dala sang coronavirus pandemic.
Lakip sa ginaconstruct sa subong ang 23.17-kilometer road opening and concreting project nga nagaconect sa Poblacion Datu Paglas, Maguindanao padulong sa Barangay Colonsabak sang Columbio nga magakonek man sa probinsya sang Sultan Kudarat padulong sa Matanao, Davao del Sur.
Ginpahayag ni DPWH XII Regional Director Basir Ibrahim ang pagbukas sang road network ang magapromote sang inter-regional linkage kag trade sa tunga sang Region XI kag region XII paagi sa luwas kag malip-ot nga rota nga magalab-ot lamang sang duha ka oras kag 20 minutos halin sa apat ka oras kag napulo ka minutos halin sa Tacurong City padulong sa Matanao, Davao Del Sur.
Ang nasambit suno pa nga proyekto ang agud nga maimprove ang mobility sang mga pumuluyo kag magahatag sang access sa employment opportunities kag basic government services. Makabulig man suno pa sa local productivity kag mapalapad ang negosyohanay tungod sa mas barato na nga pagtransport sang mga produkto halin sa kaumahan padulong sa merkado nga mapataas ang income sang mga pumuluyo sa nasambit nga mga lugar.
Nahibaluan nga ang construction implementation ang nakaprograma kada tuig halin 2015 tubtob 2021.
Sang Hunyo 30, yara na sa 85% (17.94 kilometers ) sang P1.1 billion project lakip na ang road opening, gravelling and concreting kag construction sang duha ka mga tulay nga may-yara sang 240 meters ang kalabaon ang natapos na.
Samtang ang 5.2- kilometer gap ang tubtob pa sa 2021.
